Жыл сайын 24-октябрда Кыргыз Республикасынын дипломатия кызматкеринин күнү белгиленет. Бул майрам Кыргыз Республикасынын Өкмөтүнүн 1998-жылдын 21-октябрындагы № 689 токтомуна ылайык белгиленген. Майрамдын датасы Бириккен Улуттар Уюмунун Бүткүл дүйнөлүк күнү менен дал келет.

Кыргызстандын дипломатия кызматкеринин күнү өлкөнүн тышкы саясий жана тышкы экономикалык багытын ишке ашырууда дипломатиялык кызматтын кызматкерлеринин маанилүү ролун баса белгилөөгө багытталган. Кыргыз Республикасынын дипломатия кызматкерлеринин мойнунда өлкөнүн улуттук кызыкчылыктарын эл аралык аренада татыктуу деңгээлде коргоо жана көрсөтүү боюнча чоң жоопкерчилик жатат.

Дипломатия кызматкеринин күнүнө карата уюштурулган иш-чаралар, адатта, дипломатиялык кызматтардын кызматкерлерин кызмат ордолорунда куттуктоо аземдерин өткөрүүнү, ошондой эле өзгөчө айырмаланган кызматкерлерди сыйлоо аземдерин камтыйт.

Токтомдун тексти:

Бишкек шаары, Өкмөт үйү

1998-жылдын 21-октябры, № 689

КЕСИПТИК МАЙРАМДЫ - КЫРГЫЗ РЕСПУБЛИКАСЫНЫН ДИПЛОМАТИЯЛЫК КЫЗМАТ КЫЗМАТКЕРЛЕРИНИН КҮНҮН БЕЛГИЛӨӨ ЖӨНҮНДӨ

КЫРГЫЗ РЕСПУБЛИКАСЫНЫН ӨКМӨТҮНҮН

ТОКТОМУ

Кыргыз Республикасынын тышкы саясий жана тышкы экономикалык багытын ишке ашырууда дипломатиялык кызматтын ролу өсүп жаткандыгын эске алуу менен, Кыргыз Республикасынын Өкмөтү токтом кылат:

Жыл сайын 24-октябрды Кыргыз Республикасынын дипломатиялык кызматынын кызматкеринин кесиптик майрамы — Дипломатия кызматкеринин күнү катары белгилөө.

Кыргыз Республикасынын
Премьер-министри К. Жумалиев